கவிதையும் கானமும்-050

[RiJiA]

உங்களின்  கவிதை எழுதும் திறமையையும் , சிந்திக்கும் திறனையும்  ஊக்குவிக்கும்  முயற்சியாக பொது மன்றத்தின் இந்தப்பகுதியை உருவாக்கி இருக்கிறோம்.

இந்த பகுதியில்  ஒவ்வொரு வாரமும் ஞாயிற்று கிழமை அன்று ஒரு  கருத்து படம் (புகைப்படம்)  கொடுக்கப்பட்டு இருக்கும். அந்த புகைப்படத்திற்கு  பொருத்தமாக உங்கள் மனதில் தோன்றும் கவிதைகளை எழுதி  இந்த பகுதியில் பதிவிட வேண்டும்.
இங்கு பதியப்படும் கவிதைகள்  அடுத்த ஞாயிற்று கிழமை அன்று  GTC இணையதள வானொலியில்  வாசிக்கப்படும். இங்கு எழுதப்படும் கவிதைகளுக்கு பொருத்தமான பாடல்களோடு  சிறப்பான முறையில் தொகுப்பாளரால் தொகுத்து வழங்கப்படும். இதுவே கவிதையும்  கானமும் நிகழ்ச்சியாகும்.


இந்த நிகழ்ச்சி சிறப்பாக அமையும் பொருட்டு சில விதிமுறைகள் இங்கே குறிப்பிடப்படுகிறது. கவிதை பதிவிடுபவர்கள் இதனை மனதில் கொண்டு கவிதைகளை பதிவிடுமாறு அன்போடு கேட்டுக்கொள்கிறோம்.


1. நீங்கள் பதிவிடும் கவிதைகள் உங்களின் எண்ணத்தில் அமைந்த சொந்த கவிதைகளாக இருத்தல் வேண்டும். சொந்தமான சிந்தனையில் அமைந்த முதல் 7 கவிதைகள் மட்டுமே வானொலி நிகழ்ச்சியில் எடுத்துக்கொள்ளப்படும்.

2. உங்கள் கவிதைகள் 15 வரிகளுக்கு குறையாமலும் , 45 வரிகளுக்கு மிகாமல் இருக்க வேண்டும்.

3. இந்த பகுதியில் பின்னூட்டங்கள் (comments) இடுவதோ,பாராட்டு பதிவுகள் இடுவதோ கூடாது.

4. இங்கே  கவிதை பதிவதற்கு (துண்டு போட்டு)  முன்பதிவு செய்ய கூடாது.முழுமை செய்யப்பட்ட கவிதைகளை மட்டுமே பதிவு செய்ய வேண்டும்.

கவிதையும் கானமும்-050

இந்தவார கவிதை எழுத்துவற்கான  புகைப்படம்.

மேலே கொடுக்கப்பட்டுள்ள கருத்துப்படம் (அல்லது) புகைப்படத்திற்கான உங்கள் கவிதைகளை எதிர்வரும் புதன்கிழமை இந்திய நேரம் இரவு 12 மணிக்கு முன்னதாக பதிவு செய்யும்படி அன்போடு கேட்டுக்கொள்கிறோம்.

இது உங்களின் சொந்த கவிதை முயற்சி. உங்கள் கவிதைகள் மென்மேலும்  மெருகுற முயற்சி செய்து எழுதுங்கள்.

[Limat]

உன் நினைவு கிளைகளில் என்றும் ஒரு பறவையாய்..!


பறவையாக நானும்மாறி
அந்த வானம்தொட ஆசைக்கொண்டேன்
பூமியெங்கும் நான் பறந்து
புதுக்கவிதைப்பாட ஆசைக்கொண்டேன்

காதல் செய்தால் வானில் பறக்கலாம்
படித்ததோ கேட்டதோ நினைவிலில்லை- ஆனால்
பறக்கும் ஆசையோ எனை விடவில்லை

எங்கிருந்தோ வந்தாளவள்
எனைக்கூட்டிச் சென்றாளவள்
காதல் சிறகை கட்டிவிட்டு
வானம் பறக்கச் செய்தாளவள்-என்
வாழ்க்கை மறக்க செய்தாளவள்

கனவுலகிலும் நனவுலகிலும் நான்
காதல் வானில் பறந்திருந்தேன்
காலை மாலை மறந்திருந்தேன்

என்னடி இது விளையாட்டு?
இதுதான் என் முதல்பாட்டு
உறவுகள் பலர்கூடி என் பாடல்வரிகளை அழிக்க முயற்சித்தனர் பறந்தோடினேன்
என் காதல் சிறகிறண்டை முறிக்க முயற்சித்தனர் பறந்தோடினேன்..!

என்னவளை காணாமல் அவள் வாய் மொழி கேளாமல்  என் இதயத்தில் முளைத்திருந்த காதல் சிறகை விரித்து அவளை தேடி அலைந்த நான் அவளின் மௌன புயலில்
என் சிறகுகள் உதிர்ந்து தள்ளாடியபடி கீழே விழுந்தேன்..!

சிறகுதிர்ந்த பறவையாய் செத்து நான் போகாமல் தினமுமவளை பாடினேன்
சிந்தையால் அவள் நினைவெழுதி
தினமுமவளை தேடினேன்..!

இறக்கும் தருவாயில்
என் இதயம் கேட்கும் உன் உறவை மட்டுமே
இறகிரண்டை இழந்தாலும்
இப்போதும் நான் பறவைதான் என எண்ணி
நிற்கும் தருவாயில் தேவதை போல் வெண்ணிற ஆடையில் அவளை கண்டு மனமுறுகிய வேளையில் அவளின் கையில் வில் அம்பை கண்டு உறைந்து நின்றேன்..!

என்னவளின் காதல் அன்பை சுமந்த என் இதயத்தில் அவள் எய்த அம்பு என் இதயத்தை
துளைத்து அந்த குருதியின் வழியே என் காதலை வெளியேற்ற முயன்றால்..!

என் இதயத்தில் பாய்ந்த அந்த அம்பின் வழியே என் குருதி வழிந்து  ஓடும் நீரில் திசையரியாது சென்றதே தவிற என் காதல் என்றும் என் இதையத்திற்குள்ளே..!

ஆம்..
"சித்திரைக் குயிலாய்"
நித்திரையில்லாமல்
"உன் நினைவு கிளைகளில்"
இப்போதும் நான் பறவையாய்..!

[Thendral]

❣️காதல் ..காயம் ..வலி.. காதல்❣️

அழகிய சொல்லாய் நான் உணர்தேன்
நீ உன் காதலை உரைத்தபோது -ஆம் அது 'காதல் '!!!
ஏற்கும் நிலையில் நான் இல்லாதபோதும்
என் மனமோ உன்னையே நாடி சென்றதேன் -ஆம் ... இது 'காதலே 'தான் !!!

ஒவ்வொருநாளும்    நீ கொடுத்த அன்பு
என்னுள்ளே வேர்விட்ட அந்த நொடிகள் -ஆம் ...அது 'காதல்'!!!
என்னை அறியாமலே நான் நீரூற்றினேன்
இன்று அதை நெடுமரமாய் நான் காண்கிறேன் -ஆம் ...இது 'காதலே' தான்!!!!

திக்கு முக்காடத்தான் செய்தாய் உன்  அன்பால்
திணறித்தான் போனேன் நான்  ஒவ்வொருநொடியும்  -ஆம் ...அது காதல்!!!
என் நிலையை எச்சரித்த என் மனதை
ஆற்ற நினைத்து தோற்றேதான் போனேன் நான் -ஆம் ...இது 'காதலே' தான் !!!

இதுவரை வாழ்வில் அறிந்திரா பாசம்
உன் ஒவ்வொரு சொல்லும் ..சொல்லும் உன் நேசம் -ஆம்... அது 'காதல் '!!!
என் இதயம் நெகிழும் தருணம்
என் நிலை தடுமாற உணர்தேன் -ஆம் ...இது 'காதலே' தான்!!!

சேர்ந்து பயணிக்க நம் இதயம் துடிக்க
 வாழும் காலம் அழகாய் தோன்ற -ஆம்... அது' காதல்'!!!
ஒவ்வொரு நொடியும் முத்தாய் அமைய
அதை மாலையாய் கோர்த்தேன் நெஞ்சினுள்ளே -ஆம்...இது  'காதலே' தான் !!!

சொல்லில் அடங்கா அழகிய தருணங்களில்
 என் வார்த்தைகள் உன் இதயம் துளைக்க- ஆம் ...அது 'காயம்'!!!
புரியாமல் நீயும் துடிக்க
புரியவைக்க முடியாமல் நானும் தவிக்க -ஆம் ...இது 'காயமே' தான் !!!

காரணம் தெரியாத வலியில் நீ
 சொல்ல முடியாத நிலையில் நான் -ஆம் ...அது 'காயம்'!!!
நீ துடிக்கும் துயர் கண்டு
என்   இதயம்  படும்பாட்டை அறிவாயோ என்னவனே- ஆம் ..இது 'காயமே' தான் !!!

என்  சொல் அம்பால் நீ பட்ட காயம் ....
உன் காயம் கண்டு நான் பட்ட துன்பம் - ஆம் ...அது 'வலி' !!!
 நான் விட்ட   அம்பை திரும்பப்பெற துடிக்குறேன்
நீ பட்ட காயம்  நான் ஆற்ற  தவிக்குறேன் -ஆம் ..இது ' வலியே ' தான் !!!

சேராத காதல் இம்மண்ணில் உண்டு
ஆனால் புரியாத காதல்? -ஆம்... அது 'நம் காதலே'!!!
 வாழ்ந்து தான் பார்ப்போமே  என்னவனே
 நம் காதலும் வசப்படும் ஓர் நாளிலே -ஆம் ... அது 'நம் காதலே' !!!

என்றும் உங்கள்
 ❣️தென்றல்❣️

[Dan_Bilzerian]

காதல் காயம் கவிதை

காதல் பேச்சில் தொடங்கி
மெளனத்தில் பிரசவித்த
பிள்ளை அது..,

காதல் ஓர் அழகிய வன்முறையாளன்

காலம் பார்ப்பதில்லை

கருப்பா சிவப்பா உயர்வா தாழ்வா

பார்ப்பதில்லை ..,

கவர்ந்தவர் மனதை மட்டுமே

பார்க்கும் புரட்சியாளன் காதலே..!

பெண்ணோ ஆணோ யாராகிலும்

காதலை கடந்து செல்லாதவர்

இருப்பாரோ சொள்ளுங்களேன்..!

காதல் இனிமையான பொய்

சாகும் வரை துரத்தும்..,

செத்தே போனாலும் நினைவாகி

கொள்ளும் ..🔪

காதல் தந்த ரணம்  நரகினும்

கொடியது உயிருடனே வதைக்கும்

காதல்  தந்த  நல் நினைவுகள்

சொர்க்கத்தினை உணரச்செய்யும்.,

காதல் தோற்பதும் இல்லை

ஜெயிப்பதும் இல்லை..,

காதல் கொண்ட உள்ளங்களால்

கொலை செய்யப்படுகின்றன..,

நான் நீ என்ற அகந்தையும்

நம்பிக்கையை உடைத்து

ஒளிவும் மறைவுமாய்

மறைத்து வாழ்வதும்

புரிதல் இன்மையும்

காதலை கொளை செய்யும்

 காரணங்கள்.

காதல் பௌர்ணமி இரவில்

ஒளிரும் நிலவை போல

மார்கழி மாதம் புள்ளின் நுனியில்

மிளிரும் பனித்துளி போல

மலை மிது படர்ந்து வரும்

தென்றலை போல

மனதை கவரும்  கள்வனின்

சொற்சுவை போல

உவமைகள் சொல்லி மாளாத

உண்த உணர்வள்ளவோ காதல்..,

கசந்த பின் காதலோ

எரியும்  தனழாக,

கோடையில் சுட்டெரிக்கும்

சூரியனை போல

கடலில் எழும் புயல் போல

கண்ணீரில் வெள்ப்பெருக்கெடுத்தாற் போல

கடினமான இலக்கண பிழை காதல்

சொர்க்கம் நரகமும் சேர்ந்த

சொல்லவே முடியாத இறைவனின்

ஆட்டம் காதல்..,

ஆட்டத்தில் அங்கமாக

பொம்மைகளே ஆணும் பெண்ணும்....