"உடைந்த என் இதயம் பேசுகிறேன்"
"கண்ணீரில் கரைகிறேன், கவிதையில் வாழ்கிறேன்,
உடைந்த என் இதயத்தின் வலியை
உரைக்கிறேன்"
"வானவில்லின் வர்ணங்களெல்லாம் கரைந்து போன அந்தக் கணம்,
வசந்த காலத்தின் பசுமையெல்லாம் கருகிச் சாம்பலான அந்தக் கணம்,
என் இதயமெனும் கூட்டில் நான் கட்டியிருந்த வண்ணக் கூடுகள் இடிந்து போன அந்தக் கணம்"
"என் உடைந்த இதயம்,
ஓயாத வலி,
கல்லால் எறிந்தாய்,
சின்னா பின்னமாய்,
வலியில் துடித்தேன்"
"உன் நினைவுகள் மட்டும்,
நீங்காத பொக்கிஷம்,
என் பேசாத மௌனம்,
என் கண்ணீரின் ஈரம்,
என் மனதின் பாரம்"
"நிழலாக நீயும் என் நினைவில் வாழ்கிறாய்,
மறக்க நினைத்தும் என் மனம் கேட்கவில்லை,
காலத்தின் கைகள் ஆறுதல் தரவில்லை"
"என் கண்ணீரின் சுவடுகள் காய்ந்திடவில்லை,
உன் நினைவில்லாமல் ஒரு பொழுதுமில்லை"
"உன் நினைவுகள் நிழலாய் என்னைப் பின் தொடர்கின்றன,
என் ஒவ்வொரு இதயத் துடிப்பிலும் அது உன் பெயரை உச்சரிக்கின்றன"
"இரவுகள் நீள்கின்றன,
ஏனோ என் கண்கள் உன்னையே தேடி அலைகின்றன"
"தனிமையின் தாலாட்டில் என் இதயம் உறங்க மறுக்கிறது,
உன் நினைவுகளின் சுழலில் என் இதயம் சிக்கித் தவிக்கிறது"
"என் உயிர் மூச்சிலும்,
என் இதயத் துடிப்பிலும்,
உன் ஞாபகம் நிறைந்திருக்கிறது"
"கண்களில் கண்ணீர், நதியாய் பெருகி என் கன்னங்களில் வழிகிறது,
உடைந்த இதயத்தின் ஓலமாய் என் கண்ணீர் துளிகள் அது மண்ணில் விழுகிறது"
"என் ஒவ்வொரு கண்ணீரின் துளியிலும் ஆயிரமாயிரம் ஏக்கங்கள்,
என் ஒவ்வொரு இதயத் துடிப்பிலும் எண்ணிலடங்கா சோகங்கள்"
"காலங்கள் கரைந்தாலும் என் இதயத்திலுள்ள உன் நினைவுகள் அழிவதில்லை,
என் விழிகளுக்குள் சிறைப்பட்ட உன் அழகிய பிம்பம் மங்குவதில்லை"
"நீ என்னை விட்டுப் பிரிந்த போதும், என் இதயம் உன்னைத் தேடும்,
ஒரு ஜென்மம் முழுவதும் இந்த ஏக்கத்தில் என் இதயம் வாடும்"
"இழந்ததை நினைத்து அழுவதில் பயனில்லை என்று என் மனம் சொல்கிறது,
ஆனால், என் இதயமோ அதை ஏற்க மறுக்கிறது"
"நீ இல்லாத வாழ்க்கை ஒரு வெறுமையான பாலைவனம்,
எங்கு தேடினாலும் கிடைக்கவில்லை உன் அன்பின் சோலைவனம்"
"ஒருவேளை காலம் மருந்தாகலாம், அல்லது அதுவும் பொய்யாகலாம்"
"காலம் அது ஆறாத ரணமாய் மாறலாம்,
அல்லது மறந்த நினைவாய் கரையலாம்"
"ஆனால், என் நினைவுகளின் ஆழம் மாறாது,
என் உடைந்த இதயத்தின் கதை மறையாது"
"மீண்டெழும் என் ஆன்மா"
"நம்பிக்கையின் ஒளிக்கீற்று,
மௌனத்தின் மொழியில் மனம் பேசிற்று"
"கவிழ்ந்த வானம் ஒருநாள் நிமிரலாம்,
காய்ந்த நிலம் ஒருநாள் துளிர்க்கலாம்"
"இருளின் ஆழத்திலும் ஒரு சிறு ஒளிக்கீற்று தெரிகிறது,
என் உடைந்த இதயத்திலும் ஒரு மெல்லிய நம்பிக்கை துளிர்கிறது"
"எரிந்த சாம்பலிலிருந்து எழுந்த பீனிக்ஸ் பறவையைப் போல்,
என் இதயமும் ஒருநாள் உயிர் பெறும்"
"என் வலிகள் நிரந்தரமில்லை,
கண்ணீர் மட்டும் என் அடையாளமில்லை"
"என் கண்ணீரின் கசப்பு காய்ந்திடலாம் மெல்ல மெல்ல"
"என் இதழில் புன்னகை துளிர்க்கலாம் மெல்ல மெல்ல"
"எனக்குள் மீண்டும் ஒரு காதல் வரலாம்,
காதல் புதிய ரூபம் எடுக்கலாம்,
என் சோகக் கண்ணீரின் நதி ஒருநாள் வறண்டு போகலாம்,
என் நெஞ்சில் புதிய சந்தோஷ நீரூற்றுகள் சுரக்கலாம்,
அல்லது நான் நானாக மலரலாம்,
என் உடைந்த இதயத்தை நானே மெல்ல மெல்லச் சீராக்கலாம்,
புதிய வாழ்க்கையைத் தொடங்க ஒரு தூண்டுகோலாக இருக்கலாம்"
"காலம் பதில் சொல்லும்,
உடைந்த என் இதயம் ஒருநாள் முழுமையாகலாம்"
"புது வசந்தத்தின் மெல்லிய அசைவு,
அறியாத ஒரு திசையிலிருந்து, மெல்லியதாய் ஒரு தென்றல்,
அது உன் வருகையின் முதல் அறிவிப்பாய் உணர்கிறேன்"
"வறண்ட என் வாழ்வில் பெய்த ஒரு மழைத்துளி,
அது என் நெஞ்சில் அழகிய பூவாய் மலரும்,
நம்பிக்கையின் நாற்று ஒன்று என் வாழ்வில் துளிரும்"
"நான் இழந்த நம்பிக்கைகள் மீண்டும் துளிர்விட,
உன் நம்பக வார்த்தைகள் எனக்கு உயிரூட்டிட"
"உன் பார்வை என் பழைய வலிகளைத் துடைத்தது,
உன் குரல் என் சோக ராகத்தை மாற்றியது,
உன் பாசத்தின் அரவணைப்பில் எனக்குள் காதல் மலர்ந்தது,
உன் அன்பின் ஒளியில் என் உலகம் ஒளிர்ந்தது,
உன் கரத்தின் அணைப்பில் யாவும் நிறைந்தது,
உடைந்த என் இதயம் மெல்ல மெல்ல ஒன்றானது"
"என் இதயத்தில் புதிய வசந்தத்தின் பூக்கள் பூத்தன,
நம்பிக்கையின் வழியில் என் இதயம் மீண்டும் உயிர் பெற்றன"
"நம்பிக்கை ஒருபோதும் இறப்பதில்லை நான் உனக்காக முழுமையாய் வாழ்கிறேன்,
உன் அன்பின் அணைப்பில் முழு பாதுகாப்பாய் உணர்கிறேன்"
"ஆம், மீண்டும் ஒருமுறை காதல் என் இதயத்தை வாழ்த்தியது,
உன் வடிவத்தில் எனக்கு ஒரு புதிய விடியலைத் தந்தது,
உன் அன்பு என் ஆன்மாவை முழுமையாக்கியது"
"உடைந்த நான், இப்போது ஒரு புதிய படைப்பு,
பயணம் தொடரும், உன் கையோடு கை கோர்த்து,
காதல் தீராது, காலம் கடந்து நிற்கும்"
"காயம் காய்ந்த இதயம் இப்போது பாடுகிறது,
நம் காதலின் மகிமையை, உலகறியப் பாடுகிறது"
"காதல் மிகவும் மென்மையானது"
"காதல் மிகவும் மென்மையானது"
"நம்பிக்கையோடு என் கண்ணீர் துளிகளுடன் முடிக்கின்றேன்!!!
இப்படிக்கு,
உங்கள் அன்பிற்குரியவன் MISTY SKY 💜💜
