தத்தி தவழ்ந்த வயதில்
பூமிக்கு நீ கொடுத்த முத்தங்களை..
பூமி சொல்லும்
நட்சத்திரங்களுக்கு கதையாய்...
விளையாட்டுப் பருவத்தில்
நீ பேசிய மொழியெல்லாம்..
குயில்களுக்கு காற்று
பரிசளிக்கும்....
பூப்படைந்த நாளில்
உன் மேல் விழுந்த
மழைத் துளிகள்..
மேகம் வழியே
பூக்களுக்கும் உன் வாசம் பரப்ப..
புது உலகம் படைக்கும்
இன்று
இருபத்தி ஆறு வருடம்
உன்னை வேடிக்கை பார்த்தே..
மழைக் கவிதைகளை படைத்த
வானம்..
அத்தனையும் உன்னை வாழ்த்த...
நானும் உன்னை வாழ்த்துகிறேன்
என் உயிரில் கலந்த உறவே..!
இனிய பிறந்தநாள் வாழ்த்துக்கள் அம்மு😘
