"காதலின் உதயம்"
"காதலின் வடுக்கள்"
"காதலின் உதயம்"
"செங்காந்தள் மலரொன்று கையில் ஏந்தி, சிரித்த முகமாய் நீ நின்ற கோலம்"
"காதல் மொழிகள் என் காதில் ரீங்காரமாய், கனவுலகில் நானும் மகிழ்ந்த காலம்"
"காதல் ரோஜா மலர்ந்தது, நமக்குள் காதல் பிறந்தது"
"என் இதயம் முழுதும் இன்பத்தால் நிறைந்தது"
"உன் புன்னகை மின்னல் ஒளி கீற்றாய் பாய்ந்திட"
"என் உயிரின் ஆழத்தில் இன்பம் பொங்கிட"
"தென்றல் காற்றும் தாலாட்டாய் மாறிட"
"தேனிலவு காலம் தொடர்ந்தது நம் வாழ்வினிலே"
"காதல் சாம்ராஜ்யம் பூத்தது நம் நெஞ்சினிலே"
"நிலவொளி கூட பொறாமை கொள்ள,
நாம் இணைந்திருக்க நாட்கள் அழகாய் நகர்ந்தன"
"சின்னச் சின்ன மகிழ்ச்சியில் நம் காதல் வசந்தத்தின் காலமாய் மலர்ந்தன"
"உன் அழகிய பேச்சின் மொழியில் புதுக்கவிதை பிறந்ததே"
"உன் அன்பின் பார்வையில் எனக்குச் சொர்க்கம் தெரிந்ததே"
"மகிழ்ச்சியின் எல்லை மீறி சிறகடித்துப் பறந்தோம்"
"பிரிவின் நிழல் அறியாமல் சந்தோஷத்தில் களித்திருந்தோம்"
"இனிமை நிறைந்த அந்தியிலே"
"இதயம் முழுவதும் காதல் அலையிலே"
"புன்னகை பூக்கள் பூத்த நாட்களிலே"
"இளமை கொஞ்சும் நம் காதலின் பயணத்திலே"
"இன்பம் பொங்கிடுதே பொன் மாலையிலே"
"காலம் கூட பொறாமை கொள்ளுமே"
"காதல் அமுதம் என்றும் நிலைக்குமே"
"வாழ்வின் புது அர்த்தம் உன்னால் கிடைத்ததே"
"வானம் தாண்டி நம் காதல் நேசம் உயர்ந்ததே"
"மார்கழிப் பனியும் தோற்றுப் போக,
நம் காதல் அனலாய் பற்றி எரிந்தது"
"ரோஜா இதழ்கள் பொழிந்து கிடக்க,
மேகம் போலே மனம் மிதந்திருந்தது"
"விண்மீன் கூட்டம் வாழ்த்துக்கள் கூற,
வானில் வெண்ணிலவு கூட வெட்கி மறைந்தது"
"உன் கை கோர்த்தபடி நடந்த போது,
காலம் கூட நின்று போனதாய் உணர்ந்தேன்"
"உன் பேசாத மௌனங்கள் கவிதை பாட, வாழ்வின் பொருளை அன்று நான் அறிந்தேன்"
"காதல் கோட்டையில் கொடியேற்றி நின்றோம்"
"காலத்தை வென்றிட்ட களிப்பினில் திளைத்தோம்"
"காதலின் வடுக்கள்"
"நம் காதல் சரியான பாதையில் பயணித்து கொண்டிருந்த வேளையில், ஒரு நாள் திடீரென பிரிவின் நிழல் நம்மை மெல்லச் சூழ்ந்ததே"
"ஊடலின்றித் தொடர்ந்த பாதையில்
நம் காதலும் இருண்டதே"
"மௌனமே பதிலாய் மாறியபோது,
என் மனதின் ஆழம் வலித்ததே"
"பிரிவெனும் பெரும் துயரில் என் இதயமோ வலியால் துடித்ததே"
"விதியின் விளையாட்டு, நாமும் பிரிய நேர்ந்ததே"
"பிரிவின் வலி, இதயத்தை பிளக்கும் கூர்மையான வாளாய் மாறியதே"
"நிறமிழந்த என் உலகில் உன் நினைவுகள் மட்டும் இந்தச் செந்நிற ரோஜாவாய்"
"கறுப்பு வெள்ளை உலகினிலே, செவ்வண்ண காதல் ரோஜா சிவந்திருக்கக் கண்டேன்"
"காதலால் இணைந்த நம் கைகள் பிரிந்து செல்ல, உதிர்கின்ற இதழாய் நானும் உடைந்து நின்றேன்"
"வார்த்தைகள் மறைந்து போன பின்பும், வலியின் மெளனம் தொடர்கிறதே"
"மனதின் ஆழத்தில் புதைந்த நினைவுகள், கருகிய கனலாய் சுடுகிறதே"
"நம் கையில் பிடித்திருந்தது வெறும் மலரல்ல, அது மரித்துப்போன நம் காதலின் சாட்சி"
"வண்ணங்கள் மறைந்தாலும், நீ தந்த வலியின் சுவடுகள் மட்டும் இன்னும் என் மனதில் ஆறாமல் சிவப்பாய்"
"காதலெனும் தோட்டத்தில் சிறகடித்துப் பறந்தோம், பிரிவெனும் புயலை எதிர்பார்க்கவில்லையே"
"விதி செய்த சதியால் விலகிச் சென்றாய் நீ"
"வானம் இடிந்து வீழ்ந்ததாய் உணர்ந்தேன் நான்"
"என் காதல் மாளிகை நொறுங்கிப் போனதே"
"என் கண்ணீர்த் துளிகள் நதியாய் பெருகி ஓடியதே"
"நம் காதலின் நினைவுகள் அனலாய் என்னைச் சுட்டதே"
"நம் பிரிவின் வலியால் நான் உன்னோடு கழித்த ஒவ்வொரு நொடியும் மறக்க முடியா வடுக்களாய் மாறியதே"
"பிரிவின் வலி ஒரு ஆழ்கடல் போல,
அது என் ஆத்மாவின் அடியாழம் வரை சுட்டெரித்ததே"
"நினைவுகளின் அலைகள் ஓயாமல் என்னைத் தாக்க, நிம்மதி தேடியே நித்தம் வாடுகிறேன்"
"என் ஆசைகள் அனைத்தும் கருகிய கனவாய் நானும் வாழ்கிறேன்"
"உயிரிருந்தும் நானொரு நடைபிணமாய் உணர்கிறேன்"
"நம் காதல் பிரிவின் வலி தாங்காமல் அணுஅணுவாய் சாகிறேன்"
"என் கண்ணீர்த் துளிகள் காய்ந்த பின்னும், மனதில் காயம் மட்டும் ஆறவில்லையே"
"வெறுமை சூழ்ந்த என் வாழ்க்கைப் பயணம், இன்னும் விடியலைத் தேடி நகரவில்லையே"
"ஒரு துளி அன்பிற்காக ஏங்கிய என் இதயம், கண்ணீர்க் கடலில் மூழ்கியதே"
"இனிவரும் பாதைகள் தனிமையே என்றாலும், கடந்து போகும் காலம் மருந்தாகுமோ?"
"ஒன்று மட்டும் நிச்சயம் காதலின் சிகரம் நாம் தொட்ட தருணம், அழியாத நினைவாய் என்றென்றும் நிலைத்து நிற்கும்"
"இந்த கவிதை உனக்காய், நம் காதலின் அழியாச் சின்னமாய்"
"நம் பிரிவு ஒரு முடிவல்ல, மீண்டும் சந்திக்கும் நம்பிக்கையின் தொடக்கமானது"
"நம் பாதைகள் வேறானாலும், நம் இதயங்களின் பிணைப்பு புனிதமானது" 💜💜
சந்தோஷமிக்க என் கண்ணீர் துளிகளுடன் முடிக்கின்றேன்!!!
இப்படிக்கு,
உங்கள் MISTY SKY 💜💜
