2
« on: August 25, 2026, 07:47:35 am »
இசை பிறந்தது…
ஆனால் என் மனதில் மட்டும் அமைதி இல்லை… 🎶
ஒருகாலத்தில் உன் குரல்,
எனக்கு பிடித்த பாடலாக இருந்தது…
இன்று அதே குரல் நினைவானதும்,
என் இதயம் மௌனமாகிவிடுகிறது…
உன்னுடன் கேட்ட பாடல்கள் எல்லாம்,
இப்போது தனிமையில் என்னைத் தேற்றுகின்றன…
மெட்டுகள் மாறவில்லை,
ஆனால் கேட்கும் மனது தான் மாறிவிட்டது…
நீ விட்டுச் சென்ற இடத்தில்,
இன்னும் என் நினைவுகள் மட்டும் வாழ்கின்றன…
காதல் தோல்வியடைந்ததா தெரியவில்லை,
ஆனால் நான் மட்டும் தோற்றுவிட்டேன்…
உன்னை மறக்க முயன்ற ஒவ்வொரு இரவும்,
உன்னை இன்னும் அதிகமாக நினைக்க வைத்தது…
கடைசியில் புரிந்தது…
சில காதல்கள் முடிவதில்லை,
நம்மோடு வாழாமல்… நம்முள் மட்டும் வாழ்கின்றன… ❤️🩹
உன்னைப் பற்றிய நினைவுகள் மட்டும்,
என் இரவுகளுக்கு துணையாகிவிட்டது…
பேச முடியாத வார்த்தைகள் எல்லாம்,
இன்று இசையாக மனதில் ஒலிக்கிறது…
நீ இல்லாத வாழ்க்கையை ஏற்றுக்கொண்டாலும்,
உன்னை இல்லாமல் வாழ மனம் பழகவில்லை…
சில நேரம் பாடல்கள் கூட,
உன்னைப் போலவே காயப்படுத்துகின்றன…
மறக்க வேண்டும் என்ற ஆசையும்,
நினைத்துக்கொண்டே இருக்க வேண்டும் என்ற மனமும்…
இரண்டுக்கும் நடுவில் சிக்கிக்கொண்டது,
நான் மட்டும் தான்…
ஆனாலும் ஒவ்வொரு இரவும்,
அந்த இசையை மீண்டும் கேட்கிறேன்…
ஏனென்றால் அந்த இசையில் நீ இல்லை என்றாலும்,
உன்னோடு இருந்த நான் இன்னும் இருக்கிறேன்… ❤️🩹
Show Posts